Inventar historias para nenos e axudalos a que as inventen eles mesmos, non para que uns e outros sexan artistas, senón para que ninguén sexa escravo”. Esta foi a intención de Gianni Rodari á hora de escribir “Grammatica della fantasia”, unha obra de referencia para educadores, unha aportación sen precedentes á pedagoxía contemporánea e coa transmite a súa idea revolucionaria e liberadora da literatura.
A orixe está nun encontro con docentes en Reggio Emilia en 1972. Con este manual, Rodari invita a converter a palabra en xogo. “Gramática da fantasía” ofrécenos a posibilidade de demostrar que para entrar na realidade non só serven as portas, senón tamén as fiestras: “Así é máis divertido e moito máis práctico”.
